十蚊店 十蚊店 !

今日比較得閒, 整完野食之後 就去灣仔行下街 主要都四處係八卦下 嘻嘻嘻
買左都幾多野呀, 又買DVD 又買電腦用品, 當然唔少得去下十蚊店 買下D日常野

係電腦廣場買左個Netbook袋 ..... 粉紅色 嘻 my favourite :)

十蚊, 十蚊 ! 都係主攻家品
買左新既面糊捧 因為佢好正架 成件過唔會藏污漕野係d邊位度
仲有買左d器具 方便我平時玩整野食時執野&清潔
平時都只會係廳搞搞震 永遠都搞到成枱面都係材料....杯碟
一到收拾殘局時就好慘喇 :(

仲有兩隻好得意既杯, 同心心碟 ~ 唔知點解買晒淺藍色 :)
屋企d杯又好多, 但真係好靚又抵 ..... 唔緊要啦 :) 執下執下就夠位放架喇 XD
今日仲有食左個幾好味既豬扒包...聽日再介紹啦 :)

俄羅納英雪花膏

好凍呀 好凍呀 ! 呢幾日凍到手腳冰冷
當一係屋企時 就坐係暖爐旁, 郁都唔郁 > <
好在係圖書館借左幾本烘焙書 坐定定都無咁悶 :)
嘆得太多暖氣 就算呢幾日濕度高 我都爆晒拆 :(
岩岩叫家人既家人 (即係自己人 XD)
係日本買左支俄羅納英雪花膏
快D搽下先 :) 其實呢個產品已經好耐歷史喇
不過有個貪靚既男仔推介 話用左滑嘟嘟
佢係日本留學到而家都日日用 ...... 就信佢一次吧
而且400 yen有成 100g, 好多架 !
等咪都試下先 :)