到左第3天喇, 今天既行程分開了兩part
第1小隊就早上出發去北投溫泉區
第2小隊就去左市政府站既誠品書店看書
SA咪就跟左第2小隊, 因為有2位小朋友都係第1次去台灣
而且佢地又好想去下誠品 於是就帶佢地去最大的那一間
兩位小朋友就努力找心頭好
ooh no, 應該係加埋我先岩 :)
大朋友們就悶得要命 哈 ! 於是在coffee shop嘆coffee
SA當然享受睇書啦 不過 ..... 自從愛在深圳買書後, 台灣書就買少了
看完書過後 就要到淡水會合第1小隊
市政府101大樓那邊比較遠 已經唔夠時間再去喇
天色也開始灰暗想下雨喇
到達淡水時, 真的下大雨, 好狼狽喔
而且我地也遲大到, 累得家人苦等 tim
下著雨, "掃街" 都比較 "論盡" 呢
於是, 買了些小食, 再到店舖吃些魚丸麵等等
就繼續行下淡水老街
雨不停的 沒有辦法啦, 呢一站也是這旅程必到既地方
玩完淡水之後, 大家就先回酒店整理下一切
因為大家衣衫都濕晒, 又大包小包的手信
晚上就到市林夜市玩同晚餐
在市林夜市, 吃了一餐鐵板燒 普普通通呢
不過總覺得如果未到過夜市既話, 什麼都要試下 :)
吃完晚餐後又再分頭行事, 其後會合再吃十全排骨
這個係SA咪推介必吃的 (SA第一次吃係在饒河街夜市, 一吃難忘)
市林亦有這個十全排骨, 就當然捉團友們一起再食, 補補身 !
NT$80 ! 湯係好重既藥材味道 不過係超級好味架, 係真架 !
如果要續湯也只要 NT$10, 當然續啦 ^^
有機會的 記著食呢個呀 :) 市林夜市大街油站附近就見到架喇
吃完之後, 團友們都說回酒店, SA反而未玩夠
於是又繼續, 趕上差不多最後一班捷運 hehe 太爛玩喇
ooh 快要到第4天回港架喇
