紀念日

昨天係SA跟公子的紀念日

特意放假一天, 跟他四處玩四處吃

事先說明不用為對方準備禮物

想不到 他依然頑固

前天公子工作後回家 帶來禮物包

要我估是什麼

SA見盒子輕輕, 所以就不停搖

想到了, 是披肩喔 !

他很喜歡買這品牌既東西給我

SA並不是絕對喜歡名牌 但他心意, 全收下 ^^

他知道我在公司怕凍, 長衫, 披肩什麼都有

所以為我選了這個

不過SA打開後, 就頑皮地說了"珠光寶氣"這四個字

他以為我不喜歡 怎會呢

開心的, 是他在意

已足夠 ^^

Hit the Road Cafe

SA多日沒有update, 因為鎖碎既事情太多喇, 呢兩個月都會忙些

這星期亦多個飯聚

昨晚同一位舊同事吃晚飯

其實主要係同事約SA出來, 教SA學鉤物

嘩 ! 開心到不得了

她先帶SA去CWB一間專賣日本手作用品既地方

SA大開眼畀, 有好好多日本布, 同毛線等等

選好了線材, 就去吃晚餐

SA第一次去這Cafe 環境好好 雖然地方不大, 約10張枱左右

不過大多兩三個人一枱, 所以都幾舒服 又唔嘈

先不停傾傾傾, 分享大家既手作經驗

到甜品時候 SA先記起沒有拍照 哈 !

別見怪, 就只分享甜品啦 wakaka !

晚餐set選擇不多, 但想跟朋友舒舒服服地吃一餐, 都不錯喔 !

每位消費約$150, 可以一試

同事送了一個花邊領既pattern給SA, 同教SA怎樣做

SA有少少基礎, 所以都跟得上

以下就係SA回家後用毛冷試做的花款

大概都可以了解到, 之後就要認認真真地開始做喇

希望成功啦

方形零錢口金

今天SA同一位舊同事吃午餐, 呢位男同事約SA參加一些function

SA先想想自己d schedule, 就給他笑言我只會在家做手作, 無地方去

哈 ! 咁呢個係興趣來, 男仕始終覺得浪費時間吧 :(

別管, SA有自己既天地, 繼續享受手作當中既樂趣

最近完成了一個方形零錢包



靚嗎?  SA超喜歡呀

好鍾意碎花, 同綠色襯啡色

原來方形口金好容易做架, SA會多購入一D方形扣先

好想認認真真地寫一編製作post

嗯 ! 假期希望可以寫下啦 ^^

手機套.....男裝 哈哈

SA又回來喇, 早前說過SA要小休

最近既新作不多, 差不多是零製作

一切都停頓下來

為什麼 ? 因為家中既重要成員, 即係SA既媽咪早前剛完成一個小手術

雖然只是小手術, 但憂心的當然會喔

順利的, 放下心頭大石 而且大家都出力照料 太好了 !

今天又可以做下小手作

主力, 為SA公子做了數個手機套

我倆剛剛換了新電話

SA不是追求新品既人, 不過我地手機已經用了兩年多

已經 ......頂唔住, 用它上facebook, 由銅鑼灣load到炮台山依然load唔到

喂 !!!! 別浪費交付的台費呀 ! 哈哈 !

所以.....換喇

先為公子縫些手機套

小丸子樣子, 就好似SA一樣, 很累 ! 哈

男士都需要手機套麼 ? 他需要

因為常放在褲袋關係, 為他縫一些有夾棉的, 多一點保護



不同size的, 因為還沒有買到case, 暫且做一些比較細的, 要貼服一些, 不易跌出來

給他用的, 不能花巧, 最簡單最簡單的便可

格子, 間條的, 好似chocoolate款式, 咁就得架喇

EASY !!!  嘻嘻

之後就到為自己做喇, 花邊, 碎花, 蝴蝶 ...... hahaha !