今次影左好多好多相, 但到第六七日就反而影左好少
因為係SHOPPING DAY呢
第二天, 都唔算太早起身, 八點幾啦 就去築地市場食下野
預上上班時間 火車都比較迫人
還記得第一次去築地既時候 就好早出門口
因為別人說遲了既話 築地會好多人排隊等位......果然呢 !!
由新宿出發坐都營大江戶線到都廳前 再轉向六本木方向既月台
(車費二百幾yen ..... 番黎都忘記晒D線路名 哈哈 不過都想寫番出黎 ^^)
到達市場喇 ^^ 好多同聲同氣既遊人一起走 !
看 ! 四周已經好多人排隊了, 大和, 壽司大等等都有好多人在等
.....hm......因為已經吃過了而且唔太想排隊
所以放棄了壽司大餐 改吃其他大餐 !!!
不如行下市場先啦
枝豆枝豆, SA咪勁喜愛 睇見就開心喇
100YEN既燒鰻魚, 嘩 !!! 好肥美架, 又好味道 買左一串來吃
呢檔就係我地既選擇喇 !! 吃"沙西米" .... 咩 "沙西米" ?!?
"豪大大"生蠔呢 !! 好大隻, 600yen一隻, 一口氣食左3隻
再來即叫即開海膽 又係 600yen一隻, 超級美味 (沒有講大話架)
燒物 ! 500 yen ! 食咁就都係3500yen ^^ 最緊要係好味呀 !
今次沒有吃壽司反而無咩所謂 因為仲有咁多日, 大把機會食 :)
飽飽後 買下野, 行下 就轉向淺草遊覽
係築地首先坐日比谷線到上野, 再轉都營淺草線直達
(唔記得車費好似 190yen定160yen)
十年前跟團曾來過既地方, 今次再來行下
遊人求籤既籤文
仲見世商店街, 好多手信買, 不過只係買左少少
好靚既飾品
行完淺草之後 就轉向日暮里方向進發
(都營淺草線在上野再轉JR山手線)
去買咩呢?!?!
去買手工布料呀 !!!! 到達日暮里 已經係約兩點喇
太陽怕怕依然強勁 ! 好曬呀
但係超開心, 因為有好多好多布布賣, 仲要鬼咁靚 !
不過呢度係男仕悶到爆既地方
SA咪唯有火速行晒佢
日暮里之分享, 下回再獨立講啦 :)
差不多四點喇, 要去下一站了
......到SA咪悶爆了
咪呢度囉.......悶到相都唔想影 !!! 秋葉原 HAHAHA
悶還悶 SA咪好肚餓 於是我地吃...... Pepper Lunch !
嘩 !! 食 Pepper Lunch ??? 香港未食夠麼 ?????
係呀, 係呀 !!! 我係悶蛋呀 !!!! 之不過 ..... 好食過香港好多bor ^^
香港既, 拎到埋枱已經熟到硬晒, 呢度食, 佢係生到不得了
等妳自己隨喜好整幾熟都ok ^^
別要因為香港有而唔試呀, 都真係值得食一餐架 :)
行完秋葉原, 都天黑了, 決定回新宿喇
(其實今天既行程都已經好多了)
先回酒店稍稍休息 之後就出去食街頭拉麵
(第一次吃街頭拉麵)
嘻嘻 ! "擔dun仔 亞頭位" 對住個哥哥仔 :)
街頭拉麵係新宿小田急對出, 有兩檔
可自選材料, 之不過 ....SA咪唔識叫 .... 所以 ......叉燒拉麵呀唔該 ! HAHA
呢碗盛惠 900 yen
好味道嗎 ?? 一般而已, 但總要試下在街邊吃麵呢種風味
吃緊拉麵時, 坐隔離枱既一對女仔拎住好多彩色波波, 原來佢地睇完Ayu第一場Arena :)
聽日就到我睇喇 !!!!!! 呵呵 !
第三天濱崎步 Rock'n Roll Circus Arena Tour ......待續 !
沒有留言:
張貼留言